Kryeministri i ri i Spanjës, Socialisti Pedro Sanchez ka prezantuar kabinetin e tij të ri.

Zgjedhjet e tij japin sinjal të qartë që Spanja dëshiron të forcojë rolin e saj brenda BE-së, transmeton portali arbresh.info.

E diçka e veçantë është se ka më shumë gra në kabinet gjithsej 11, e gjashtë burra. Kjo e bën numrin më të lartë që ka pasur ndonjëherë administrata spanjolle që kur u kthye në demokraci më 1978.

Duke ju drejtuar gazetarëve, Sanchez tha për kabinetin e tij të ri: “Të gjithë janë shumë të kualifikuar dhe sjellin një thirrje për shërbimin publik dhe reflektojnë më të mirën e Spanjës. Është barazia pro-gjinore, ndër gjenerata, e hapur për botën, por e ankoruar në Bashkimin Evropian”.

Gratë tani do të udhëheqin me ekonominë, financat dhe mbrojtjen si dhe do të marrin një post të zëvendëskryeministrit. Gratë gjithashtu do të kryesojnë gjyqësorin, arsimin, mjedisin dhe ministritë e buxhetit të vendit./Arbresh.info/